పీడితుల పక్షాన సాయిబాబా పోరాటం కొనసాగుతూనే ఉంటుంది-బ్రెజిల్ రివల్యూషనరీ పీపుల్స్ స్టూడెంట్ మూవ్‌మెంట్

రివల్యూషనరీ పీపుల్స్ స్టూడెంట్ మూవ్‌మెంట్ (MEPR) బ్రెజిల్ ప్రజా పోరాటానికి రక్షణగా నిలిచిన డా.జి.ఎన్.సాయిబాబాకు నివాళులు అర్పిస్తున్నది.

లోతైన భావావేశంతో, పోరాట స్ఫూర్తితో, భారత రాజ్యం కల్పించిన కేసులో అక్రమ నేరారోపణలతో జైల్లో గడిపిన కాలం కారణంగా ఏర్పడిన సంక్లిష్టతలను ఎదుర్కొని, 58 సంవత్సరాల వయస్సులో, ఈ శనివారం, 12వ తేదీన మరణించిన‌ డాక్టర్ జిఎన్ సాయిబాబాకు మేము నివాళులర్పిస్తున్నాము. రివల్యూషనరీ డెమోక్రటిక్ ఫ్రంట్ జాయింట్ సెక్రటరీగా భారత ప్రజల రక్షణలో రాజీపడని పని కారణంగా “మావోయిస్ట్” సంబంధాలపై ఆరోపణలు ఎదుర్కొంటున్న 5 మందితో పాటు ఢిల్లీ విశ్వవిద్యాలయంలోని ప్రొఫెసర్ సాయిబాబా 10 సంవత్సరాలు జైలు శిక్ష అనుభవించారు.

1997లో, పీపుల్స్ రెసిస్టెన్స్ ఫోరమ్ ఆఫ్ ఇండియాలో జరిగిన సెమినార్‌లో ఆయన ప్రసంగించారు, స్వాతంత్య్రం తర్వాత భారతదేశం సాధించించింది కేవలం “అధికార బదిలీ” మాత్రమే అని ఆయన వాదించారు. ఆయన వ్యవసాయ ఉద్యమాల ఆవశ్యకతను నొక్కిచెప్పారు. 1999లో ఆంధ్రప్రదేశ్, బీహార్‌లో రాజ్య అణచివేతకు వ్యతిరేకంగా పీపుల్స్ రెసిస్టెన్స్ ఫోరమ్ ఆఫ్ ఇండియాకు నాయకత్వం వహించారు.

సాయిబాబా ఆదివాసీలపై రాజ్య అణిచివేతలను తీవ్రంగా విమర్శించారు, ఆపరేషన్ గ్రీన్ హంట్ వంటి వాటి ఫలితంగా స్థానిక వర్గాలపై దౌర్జన్యాలు జరిగాయి. పాలకవర్గం ఆదివాసీ వనరులను ఎలాగైనా దోచుకోవాలని కుట్ర చేస్తున్నట్టు ఆయన ఆధారాలు సేకరించారు. తన విద్యా పనితో పాటు, సాయిబాబా రాజకీయ ఖైదీల విడుదల కోసం , విద్యలో దళిత , ఆదివాసీ విద్యార్థుల హక్కుల కోసం పోరాడారు.

సాయిబాబా కథను అతని భార్య వసంత కూడా పంచుకుంది, ఆమె జైలులో అతనిని సందర్శించడానికి అపారమైన సవాళ్లను ఎదుర్కొంది. ఆమె జైల్లో సాయిబాబాని కలిసిన సమయంలో బలహీనతను ప్రదర్శించడానికి నిరాకరించింది, సాయిబాబా జ్ఞాపకశక్తిని, సామాజిక న్యాయం కోసం ఆయన చేసిన పోరాటాన్ని సజీవంగా తనలో ఉంచుకుంది. సాహిత్యం పట్ల ఆయనకున్న మక్కువ, అట్టడుగు వర్గాల పోరాటం అతని రచనలో పెనవేసుకున్నాయి, ఇక్కడ కవిత్వం అన్యాయానికి ప్రతిఘటన సాధనంగా మారింది.

GN సాయిబాబా భారతీయ ప్రజల పక్షాన పోరాటం, సంపూర్ణ అంకితభావం, ప్రతిఘటనకు ప్రతీక. ఆయన నిష్క్రమణ తర్వాత కూడా అతని జీవితం పని కొనసాగుతూనే ఉంది. భారత రాజ్యాన్ని తరతరాలుగా ఓడిస్తూ, పీపుల్స్ వార్ ద్వారా కొత్త భవిష్యత్తును నిర్మిస్తున్న భారత విప్లవానికి రక్షణగా చర్యలు చేపట్టడం అంతర్జాతీయవాదుల కర్తవ్యం

రివల్యూషనరీ పీపుల్స్ స్టూడెంట్ మూవ్‌మెంట్ (MEPR),